Drumming Techniques Sharing
Guitar Techniques Sharing
Guestbook for Non-Xanga Visitors

(25/8~26/8)

哩兩日返左大陸。主要係食兩餐飯﹐一餐係因為細舅父升職﹐一餐係因為我呀媽o既兩個細路讀大學~ 嗯... 細舅父請果餐因為大舅父有介紹錯﹐所以真係無乜好食... 環境、品質同服務態度都差囉﹐民怨四起-_-||| 又要去到咁遠食﹐o的人話油費都蝕埋... 我呀媽請果餐﹐近近地去返中明﹐反而正好多~

今次返大陸﹐感覺比以往幾次正面好多。

我哩兩年真係絕少返去。今次﹐大家俾我o既感覺唔同左。我同我表弟青梅足馬﹐由大家細個佢起農村我住城市﹐到而家佢屋企有錢到乜咁我就半自己搵自己駛﹐變遷真係好大﹐不過都無乜點影響過彼此之間o既友誼。哩樣野真係好珍貴~ 大家而家各有各忙﹐但係一見返都好玩得埋﹐好part得﹐總算難得~ 哩次返去見到佢﹐覺得佢變左唔少﹐變得成熟左﹐變得更識得同人相處... 我好似無乜資格咁話一個同輩﹐但係我真係咁覺得咖~^^" 喂~ 大個仔啦~

至於其他親戚﹐我就覺得我起佢地面前﹐已經得到一定尊重... 咁講好似嚴重左少少﹐總之我唔會再覺得俾人當係細路啦（我廿左啦喎=口=）~ 同佢地傾計﹐開始可以講返o的認真o的o既話題﹐而唔係剩係講下笑應酬兩句咁。大家少左假面具﹐其實個feel warm好多~

仲有仲有﹐上次我返出果陣﹐7隻狗仔o岩o岩出世~ 今次返到去... 剩返3隻...T_T 媽媽將另外4隻送左俾人地養... 都唔係壞事來o既﹐不過我幾想見到佢地7隻一齊﹐一定好得意~

俾一幅相大家睇下啦~ 隻狗訓到... 成隻乳豬咁~XD

(27/8)

今日又返工喇... 成日狀態都好差﹐大概係舟車勞頓加上真係食果o的野有問題... 朝早個鼻好似山洪暴發咁無停過﹐下午又累到想死... 無意間發覺﹐原來個肚都好似唔係咁舒服... 咁樣撐一日﹐好辛苦﹐都唔簡單...

下午有起活動入面幫手﹐帶幾個細路（全女班orz）出去華潤買野。其實佢地幾活潑可愛~ 有時同佢地玩下講下笑都幾開心咖~ 但係... 點解我哩排成日諗起「細路」就煩？... 證明凡事都有兩面o既-_-

Calvin今日有幾亢奮﹐其實我一早就發覺... 生人勿近呀=0= 佢今日多次企圖謀殺我~

中心部電腦真係嬌生慣養... 用耐o的都話CPU過熱﹐自動關機-.- 佢咁樣搞到我玩唔到瑪奇﹐唔係咁happy...